​واٹس ایپ گروپس میں از خود ایڈ کرنے/ہونے کا طریقہ​

​واٹس ایپ گروپس میں از خود ایڈ کرنے/ہونے کا طریقہ​

🖋 راہی حجازی

اگر آپ اپنے واٹس ایپ گروپ میں لوگوں کو ایڈ کرنا چاہتے ہیں، ساتھ ہی یہ بھی چاہتے ہیں کہ سب کے نمبر الگ الگ سیو کرنا پھر انکو فردا فردا ایڈ کرنا بھی نہ پڑے، بلکہ لوگ خود بخود ایڈ ہوتے چلے جائیں تو ایسا ممکن ہے۔ کرنا بس یہ ہوگا کہ صرف ایک لنک تشکیل دینا ہوگا۔ اس کے بعد جو بھی گروپ میں ایڈ ہونے کا آرزومند ہوگا اسکو وہ لنک ارسال کردیا جائے۔ موصوف اُس لنک کو واٹس ایپ میں کھولیں گے اور از خود گروپ میں ایڈ ہوجائیں گے۔

لنک تشکیل دینے کیلئے آپکو ایک دوسرا واٹس ایپ بنام: پرائم واٹس ایپ ڈاؤنلوڈ کرنا ہوگا۔حجم چودہ ایم بی ہے۔ ڈاؤنلوڈ لنک ⬇
https://drive.google.com/file/d/0B3QqAJF9ZGWOMFVYQ0FwbWdRMVU/view?pref=2&pli=1

❶ ڈاؤنلوڈ ہوجانے کے بعد موجودہ/پرانا واٹس ایپ؛ بیک اپ لیکر ان انسٹال کردیں

❷ اب نیا واٹس ایپ/پرائم واٹس ایپ؛ ری اسٹور چیٹ کے اوپشن کو عمل میں لاتے ہوئے انسٹال کر لیجئے

❹ انسٹال ہوجانے کے بعد اب اُس گروپ میں جائیے جس کے آپ ایڈمن ہیں اور جس کیلئے لنک تشکیل دینا چاہتے ہیں۔وہاں جب آپ add participant کو دبائیں گے تو سب سے اوپر invite to group via link نظر آئے گا، اسے پریس کیجئے۔ پھر کوپی لنک یا شیئر لنک پہ پریس کردیجئے۔کام ختم

یہاں کوئی سوال کرسکتا ہے کہ جناب! فرض کریں کہ ایک صاحب کو ہم نے لنک دیا۔ وہ اس لنک کو ٹیب کرتے ہوئے ہمارے گروپ میں ایڈ ہوگئے۔ مگر نکلا وہ ناکارہ بندہ۔ بد اخلاقی کا مظاہرہ کرتا ہے۔ گروپ کے اصول و ضوابط کی دن دھاڑے ڈنکے کی چوٹ پہ خلاف ورزی کرتا ہے۔ ایسے میں اسکو گروپ سے نکالا جائے گا تو کیسے نکالا جائے گا۔ نکالیں گے بھی اگر تو اسکے پاس وہ لنک محفوظ ہوگا۔ وہ اسے واٹس ایپ میں کھولتے ہوئے پھر گروپ میں آدھمکے گا۔۔۔ یوں تو وہ بلائے جاں بن جائے گا۔ اسکا کوئی حل.......... ؟؟ جی حل ہے۔ اور بہت سادہ حل ہے۔ جہاں ایڈمن نے ایک بار اسکو نکالا یعنی ری موو کیا،اب لنک اس کیلئے کار آمد نہیں رہے گا۔ وہ جب لنک کو پریس کرے گا تو لنک از خود اسکو اسکی اوقات یاد دلادے گا۔ خلاصہ کلام یہ ہے کہ بندہ اگر خود سے نکلا ہے تو وہ لنک کی مدد سے دوبارہ از خود ایڈ ہوسکتا ہے۔لیکن اگر نکالا (ری موو)گیا ہے تو اب یہ لنک اس کے حق میں ناکارہ ہے

​انتباہ​: خواتین کے حق میں بالخصوص اور حضرات کے حق میں بالعموم یہ انتباہ جاری کیا جاتا ہے کہ اگر آپ اپنے گروپ کا لنک تشکیل دینا چاہتے ہیں تو پھر اس لنک کی حفاظت کرنا بھی آپکی ذمہ داری ہوگی۔ ہر ایرے غیرے، ٹِمّے بِھمّے، کہ و مہ کے ہتھے وہ لنک اگر لگا تو یاد رکھئے گا کہ وہ ٹما بھما گروپ ایڈمن کی اجازت کے بغیر گروپ میں ایڈ ہوگا۔ ہرچند کہ اگلے لمحے میں آپ اسکو ری موو کرسکتے ہیں مگر گروپ کے جملہ ممبران کے نمبرز اسکی دسترس میں ہونگے۔۔۔۔ خواتین کے گروپس بالخصوص ہشیار باش

مکمل تحریر >>>

کلپ بورڈ

کلپ بورڈ 

کلپ بورڈ ایک فیچر ہوتا ہے جس میں کاپی کیا ہوا مواد محفوظ رہتا ہے، کلپ بورڈ سے آپ پیسٹ کر سکتے ہیں۔اس میں الگ الگ کاپی پیسٹ سے نجات مل جاتی ہے۔ملٹی لنگ او کیبورڈ میں زیادہ سے زیادہ کاپی کیا ہوا مواد چھ تک محفوظ رہتا ہے ، جس سے سیری نہیں ہوتی، طبیعت میں ہل من مزید کا داعیہ رہتا ہے۔۔۔ یہ 👇 ایک تھرڈ پارٹی کلپ بورڈ ایپلیکیشن کا لنک ہے، اس میں کاپی کیا ہوا مواد ان لمیٹیڈ محفوظ کرنے کی سہولت بہم پہنچائی گئی ہے۔ شاندار فیچرز پر مشتمل ایپلیکیشن ہے یہ۔ بس خرابی اتنی سی ہے کہ فری نہیں ہے۔ایک سو انتالیس ہندوستانی سکہ رائج الوقت شوق کا مول ہے ۔ جو حضرات ایپ خرید کر استعمال کرنے کا شوق فرماتے ہوں ان کیلئے یہ قیمتی ارمغانِ پلے اسٹور ہے۔ 

ایپلیکیشن 👇

Easy Copy+ The smart Clipboard

GET IT ON GOOGLE PLAY

مکمل تحریر >>>

کیا حجاب فقط امہات المؤمنین کے ساتھ خاص تھا ؟

کیا حجاب فقط امہات المؤمنین کے ساتھ خاص تھا ؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
واضح رہے کہ حجاب کا مفہوم جو اس وقت زیر نظر ہے وہ یہ ہے کہ کسی غیر محرم مرد کے سامنےکوئی غیر محرم عورت کسی مجبوری کے بغیر اپنا چہرہ ، سر اور چھاتی وغیرہ کھلی چھوڑ سکتی ہے یا نہیں ؟ یا کم از فقط چہرہ کسی غیر محرم مرد کے سامنے بغیر کسی مجبوری کے کھلا چھوڑ سکتی ہے ؟
تو اس کا واضح سا جواب یہ ہے کہ : نہیں !!
اس ’’نہیں‘‘ کی دلیل میں چند باتیں پیش خدمت ہیں :
يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَ‌فْنَ فَلَا يُؤْذَيْنَ ۗ وَكَانَ اللَّـهُ غَفُورً‌ا رَّ‌حِيمًا ۔ ﴿سورۃ الاحزاب 59﴾
اے نبی ! اپنی بیویوں اور بیٹیوں اور مسلمانوں کی عورتوں سے کہہ دو کہ اپنے مونہوں پر نقاب ڈالا کریں یہ اس سے زیادہ قریب ہے کہ پہچانی جائیں پھر نہ ستائی جائیں اور الله بخشنے والا نہایت رحم والا ہے ۔
یہ آیت مبارکہ اپنے مضمون اور مدعا میں بالکل واضح اور دوٹوک ہے ۔ اس کے مضامین کو درج ذیل نکات میں دیکھئے :
اس آیت میں جو حکم ہے وہ اللہ تعالی نے براہ راست نبی کریم ﷺ سے خطاب کر کے امت کو دلوایا ہے
اس آیت میں جو حکم ہے وہ ازواج مطہرات ، نبی کی بیٹیوں اور مسلمان عورتوں سب کو شامل ہے ۔
اس آیت میں جو حکم حجاب ہے وہ ایسی بڑھی اوڑھنی لینے کا ہے جو پورے جسم کو چھپا دے جس میں چہرے کو چھپانا بھی داخل ہے
اس آیت مبارکہ سے جس طرح ازواج مطہرات کو چہرہ ڈھانپنے کا حکم ہے ویسے ہی بلا تفریق عام مسلمان عورتوں کو بھی چہرہ ڈھانپنے کا حکم ہے جو بالکل صریح ہے ۔۔ اس میں ازواج مطہرات کی تخصیص کی کوئی وجہ ہے ہی نہیں ۔۔
اسلامی تاریخ کے تمام نامور متقدمین و متاخرین مفسرین کے اقوال اسی حقیقت پر شاہد ہیں جنہیں ہم فی الوقت اختصار کے پیش نظر ذکر نہیں کر رہے ۔ فقط دو تین حوالے ہی پیش ہیں :
امام ابن جریر الطبری جو متقدمین مفسرین میں سر خیل کی حیثیت رکھتے ہیں وہ فرماتے ہیں :
يقول تعالـى ذكره لنبـيه مـحمد صلى الله عليه وسلم: يا أيها النبـيّ قل لأزواجك وبناتك ونساء الـمؤمنـين، لا يتشبهن بـالإماء فـي لبـاسهنّ إذا هن خرجن من بـيوتهنّ لـحاجتهنّ، فكشفن شعورهنّ ووجوههنّ، ولكن لـيدنـين علـيهنّ من جلابـيبهنّ، لئلا يعرض لهنّ فـاسق، إذا علـم أنهنّ حرائر بأذى من قول.
اے نبی ! اپنی بیویوں ، بیٹیوں اور مسلمانوں کی عورتوں سے کہہ دیجئے کہ جب وہ اپنے کسی کام سے گھر سے باہر نکلیں تو تو باندیوں جیسا لباس نہ پہنیں جس سے ان کے بال اور چہرہ کھلا رہے بلکہ اپنے چہروں پر چادر ڈال لیا کریں جس سے نمایاں ہو کہ یہ آزاد اور شریف عورتیں ہیں تاکہ کوئی فاسق ان پر کوئی آوازہ نہ کسے ۔۔
معروف مفسر علامہ قرطبی رحمہ اللہ تعالی فرماتے ہیں :
لما كانت عادة العربيات التبذّل، وكنّ يكشفْن وجوههنّ كما يفعل الإماء، وكان ذلك داعية إلى نظر الرجال إليهن، وتشعب الفكرة فيهن، أمر الله رسوله صلى الله عليه وسلم أن يأمرهن بإرخاء الجلابيب عليهن إذا أردن الخروج إلى حوائجهن ۔
چونکہ عرب عورتوں کی عادت بالعموم نیچ تھی اور وہ اپنے چہرے کھلے رکھا کرتی تھیں جیسا کہ وہاں کی باندیوں کا دستور تھا اور اسی سبب سے مردوں کی نظریں ان کی طرف اٹھتی تھیں اور معاملات بگڑتے تھے تو اللہ تعالی نے اپنے رسول ﷺ کو حکم دیا کہ وہ اپنی بیویوں ، بیٹیوں اور مسلمان عورتوں کو اس بات کا پابند بنائیں کہ جب وہ اپنے کام کے لیے گھروں سے باھر نکلیں تو اپنے چہروں پر چادر لٹکا لیا کریں ۔۔
ان دو حوالوں سے یہ بات بالکل بے غبار ہو جاتی ہے کہ حجاب کا حکم فقط امہات المومنین کے ساتھ خاص نہیں تھا بلکہ عام مسلمان عورتیں بھی اس حکم میں ان کے ساتھ شامل ہیں ۔
البتہ باندیوں کا معاملہ ان سے مختلف تھا جیسا کہ اوپر کے حوالے میں بھی اشارہ ہے اور کتب فقہ میں بھی اس کی تصریحات موجود ہیں ۔۔
۔
۔
عمار خان ناصر صاحب کی پیش کردہ روایات کی حقیقت :
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آب یہاں قدرتی طور پر سوال پیدا ہوتا ہے کہ جب قرآن کریم کی اس آیت مبارکہ سے اور مفسرین کی تصریحات سے یہ بات واضح ہےتو متعدد احادیث مبارکہ میں اس سے مختلف صورتحال کیوں محسوس ہوتی ہے جس کی بنیاد بنا کر عمار خان ناصر نے یہ بات کہی ہے کہ حجاب امہات المومنین کے ساتھ خاص تھا ؟
تو اس کا جواب یہ ہے کہ وہ تمام روایات اس مسئلے سے متعلق ہیں ہی نہیں کہ حجاب امہات المومنین کے ساتھ خاص ہے یا عام مسلمان عورتیں کے لیے بھی چہرے کے حجاب کا حکم ہے ؟ وہ روایات اس مسئلے سے غیر متعلق ہیں ۔۔
ایسے میں اگر ویسے دس بارہ ہی کیا بیس تیس احادیث بھی ذکر کر دی جائیں تو اس سے مسئلے پر کیا فرق پڑے گا ؟
وہ تمام روایات دو باتوں کی وضاحت کرتی ہیں :
1 : نبی کریم ﷺ کی ازواج مطہرات کے لیے حجاب لازم تھا اور آپ جنہیں باندی کے طور پر اپنے پاس رکھتے تھے اس کے لیے یہ حجاب لازم نہ تھا ۔۔ کیوں کہ باندیوں کے احکامات آزاد عورتوں کے احکامات سے مختلف ہیں ۔ چنانچہ عمار خان ناصر صاحب کی پیش کردہ ابتدائی نو روایات سب کی سب اسی حقیقت کو بتلا رہی ہیں
2 : عام مسلمان آزاد عورتوں کے چہرے یا ہتھیلیوں کی طرف نظر کرنا بعض حالات میں مباح ہوتا ہے جبکہ کسی غیر محرم کو ازواج مطہرات کی نظر کرنا سرے سے جائز ہی نہیں رکھا گیا اور یہی ان کی وہ خصوصیت ہے جس کی وجہ سے انہیں سائر الناس پر فضیلت کی بات امام ابراہیم نخعی نے فرمائی ہے ۔ الغرض عمار خان ناصر صاحب کی طرف سے پیش کردہ امام طحاوی اور امام ابراہیم نخعی رحمہما اللہ تعالی کے حوالوں میں یہی بات بیان کی گئی ہے جو جمہور اھل علم کے مسلک کے عین موافق ہے ۔۔ مخالف نہیں ہے ۔۔
۔۔۔۔۔۔۔۔۔۔۔۔۔۔۔۔۔۔۔۔
فقط و اللہ اعلم بالصواب

مکمل تحریر >>>

سراجی کے طلبہ متوجہ ہوں ✒ راہی حجازی

سراجی کے طلبہ متوجہ ہوں

✒ راہی حجازی

فرینڈ لسٹ میں اہل علم بھی ہیں جنکو وقتا فوقتا تقسیم میراث کے مسائل سے سابقہ پڑتا ہوگا۔ فن میراث پڑھائی اور امتحان کے زمانے تک تو یاد رہتا ہے، بعد ازاں اس پر بھول بھلیوں کے گرد کی موٹی تہہ بیٹھ جاتی ہے اور تقریبا سب نسیا منسیا ہوجاتا ہے، لیکن عملی زندگی میں تقسیم ترکہ اور میراث کے مسائل سے سابقہ پڑنا ناگذیر و لابدی ہے، ایسے میں جو حضرات کتاب سے مراجعت کرتے ہوئے ممکنہ جواب تک پہنچنے کی کوشش کرتے ہیں انکے لئے یہ ایپلیکیشن کافی ممد و معاون ثابت ہوسکتی ہے۔ زیر نظر ایپلیکیشن کیلکولیٹر کی طرح کام کرتی ہے۔ جتنے رشتہ دار حیات ہوں سب کے نام پر ٹک ✔ لگائیے، ایک سے زائد اگر ہوں، جیسے پانچ بھائی تو ہندسے پہ پانچ بار انگلی پریس کیجئے۔ اس کے بعد حساب کا بٹن دبا دیجئے، جھٹ سے تفصیل سامنے۔ جنکو حصہ مل رہا ہوگا انکے حصے کی بھی تفصیل سامنے ۔ اور جو محروم و محبوب ہونگے انکا بھی بیان سامنے

اہم ترین نوٹ: ایپلیکیشن صرف علماء کیلئے ہے اور جو علماء ایپلیکیشن استعمال کریں وہ اپنی ذمہ داری پہ استعمال کریں، اونچ نیچ ہونے کی صورت میں راہی حجازی ذمہ دار نہ ہوگا

  

ــــــــــــــــــــــــــــــــــــــــــــــــــــــــ

سهم - حساب المواريث

مکمل تحریر >>>

سہولت کار ✒ راہی حجازی

سہولت کار

✒ راہی حجازی

بعض لوگوں کو دیکھا ہے کہ وہ اہل تبلیغ کی محبت میں گرفتار ہوکر کچھ دیگر علماء حق پر کیچڑ اچھالنا شروع کردیتے ہیں، ان کے علمی و دعوتی کام کو کام ہی نہیں سمجھتے بلکہ انکو فرقہ پرستی کی دعوت دینے والے گرداننے لگتے ہیں، بالخصوص جو مناظرین اسلام فرقہ ناجیہ پر ہونے والے چو طرفہ حملوں کا دفاع کرتے ہیں وہ ایسے محبانِ دعوت و تبلیغ کی نگاہ میں کوئی خاص وقعت نہیں رکھتے۔ میں نے بہت سے ایسے اہل دعوت و تبلیغ دیکھے ہیں جو حضرت مولانا الیاس گھمن صاحب دامت برکاتہم اور ان جیسے دیگر اہل علم کے کام کو کام نہیں جانتے، حتی کہ بعض تو انکے کاموں کو فرقہ پرستی پھیلانے کا باعث بھی گردانتے ہیں۔ ایسے حضرات سے گذارش ہے کہ وہ ہاتھ ہلکا رکھا کریں۔ حضرت مولانا الیاس گھمن صاحب دامت برکاتہم جیسے اہل علم دین کی سرحدوں کی حفاظت کرنے والے ہیں اور مولانا طارق جمیل صاحب دامت برکاتہم جیسے داعی و واعظ دین کے اندر کام کرنے والے ہیں۔ دونوں کے اپنے اپنے میدان عمل ہیں، اپنے اپنے تقاضے ہیں، سرحد کا جو فوجی ہوتا ہے اس کے اپنے کرائٹیریا اور پیرا میٹرز ہوتے ہیں۔ ملک کے اندر رہنے والے محبت و اتفاق کے علم برداروں کے اپنے کرائٹیریا اور پیرا میٹرز ہوتے ہیں، دونوں اپنی اپنی حدود جانتے ہیں اور اسی میں کام بھی کرتے ہیں۔ ایک دوسرے کے حدود میں قدم نہیں رکھتے۔ مثال کے طور سے عبد الستار ایدھی مرحوم اور کلدیپ نیئر جیسے ملک کے اندر کام کرنے والے حضرات میل ملاپ اور محبت و اتفاق کی بات کرتے ہیں، انکا بات کرنا بنتا بھی ہے، بلکہ یہ تو واگھ بارڈر پر محبت اور امن کے دیپ بھی جلا آتے ہیں۔ لیکن سرحد کی چوکسی پر مامور فوجی کا کام سرحد پر امن و آشتی کے دیپ جلانا نہیں ہوتا۔ اسکا کام دہشت گردی اور گھس پیٹی سے سرحد کی حفاظت کرنا ہوتا ہے۔ وہ اگر سرحد پر کبھی گھس پیٹ دیکھ لے تو سیدھا گولی چلاتا ہے اور ملک کے دشمن کو پیوند خاک بناتا ہے۔ یوں دونوں فریق مل کر ملک کی گاڑی کو بحسن و خوبی منزل کی طرف رواں دواں رکھتے ہیں۔ اسی طرح بعض لوگ دین کے اندر کام کرنے والے ہوتے ہیں اور بعض دین کی سرحدوں پر، اندر کام کرنے والے اتحاد و اتفاق کی بات کرتے ہیں اور سرحد پر کام کرنے والے سرحد کی فتنوں سے حفاظت کرتے ہیں۔ اندر کام کرنے والے محبت و آشتی کے دیپ اسی وقت تک جلا کر رکھ سکتے ہیں جب تک سرحد کی حفاظت پر مامور حضرات اپنے مفوضہ امور انجام دیتے رہتے ہیں۔ وہ اگر مفوضہ امور انجام نہ دیں تو اندر دیپ جلانے والوں کے دیپ نہیں گھر اور بستیاں جلادی جائیں۔ ایسے میں کچھ اہل تبلیغ حضرات کی طرف سے مناظرین حضرات کو ڈی گریڈ کرنا، انکو دیوار سے لگانا، انکے کام کو فرقہ پرستی پھیلانے کا باعث گرداننا دین کو اور دین کی سرحدوں کو ڈھا دینے کے مترادف ہے۔ دین کی گاڑی حسن و خوبی کے ساتھ منزل کی طرف گامزن اسی وقت تک رہ سکتی ہے جب تک دونوں اپنے اپنے میدان عمل میں کام کرتے رہیں۔ خدارا دین کی سرحدوں کی حفاظت کیجئے، نہ کرسکتے ہوں تو حفاظت کرنے والوں کے سہولت کار بنئے دشوار کار نہیں

مکمل تحریر >>>

موبائل کی ریم میں اضافہ کیسے کریں ✒ راہی حجازی

موبائل کی ریم میں اضافہ کیسے کریں

✒ راہی حجازی

جن لوگوں کے موبائل کی ریم کم ہو جسکی وجہ سے موبائل رک رک کر چلتا ہو اور موبائل اعتبار کے موسم سے گذر چکا ہو، وارنٹی گارنٹی کی حدود سے نکل چکا ہو تو انکو چاہئے کہ اپنی ڈیوائس روٹ کرلیں یا کروالیں کہ روٹ کرنے کے بعد ریم کی مقدار میں اضافہ کرنا ممکن ہوجاتا ہے۔۔۔ اضافہ کرنے کیلئے اپلیکیشن کا ڈاؤنلوڈ لنک 👇

Take a look at "ROEHSOFT RAM Expander (SWAP)" -https://play.google.com/store/apps/details…

طریقہ کار:

❶ ایپلیکیشن اوپن کیجئے
❷ سوائپ فائل میں وہ مقدار منتخب کیجئے جو آپ اضافہ میں رکھنا چاہتے ہیں
❸ سوائپ نیس کو سو فیصد کر دیجئے
❹ بالکل اوپر بائیں جانب سوائپ ایکٹیو کو پریس کردیں یا ٹک ✅ لگا دیں۔ ٹک لگتے ہی اضافہ ہونا شروع ہوجائے گا۔۔۔ بعد اضافہ ہو چکنے کے کلوز کو پریس کرتے ہوئے باہر آجائیں۔

اسکرین شاٹ منسلک تحریر کیا جارہا ہے

نوٹ: اپلیکیشن کے اجراء کیلئے موبائل کا روٹ شدہ ہونا لابدی ہے۔ ریم میں اضافہ اوفیشلی طور سے ایپلیکیشن کے علاوہ اور کہیں نظر نہیں آئے گا تاہم موبائل کا اسمود اور سبک خرام ہونا آپ بنفس نفیس محسوس کریں گے۔ بوقتِ اضافہء ریم گر کچھ اونچ نیچ ہوئی، تو راہی حجازی ذمہ دار نئی۔ سواری اپنے سامان کی خود حفاظت کرے کے قبیل سے: صارف اپنے موبائل کی خود حفاظت کرے۔

 مفت ایپلیکیشن کیلئے لنک 

👇

http://dnadola.blogspot.in/…/roehsoft-ram-expander-swap.htm…

Like

مکمل تحریر >>>

ٹول بوکس - دیوارِ چمن سے زنداں تک ✒ راہی حجازی

دیوارِ چمن سے زنداں تک

✒ راہی حجازی

حضرات قارئین کرام!

زیر نظر لنک ایک ایپلیکیشن کا پلے اسٹوری لنک ہے، نام ہے اسکا ٹول بوکس۔ بعض موبائلوں میں یہ ایپلیکیشن موبائل کے ساتھ جہیز میں آتی ہے، بلٹ ان ۔ آپ کے موبائل میں اگر یہ پہلے سے ہو تو سبحان اللہ سبحان اللہ، نہ ہو تو پلے اسٹور زندہ آباد ۔۔۔۔۔۔۔ کام اس ایپ کا یہ ہے کہ اس میں ایسی پانچ ایپلیکیشنز کا انتخاب کیا جاسکتا ہے جنکو آپ ہمہ وقت اپنے سامنے رکھنا چاہتے ہوں، جنکی ضرورت بار بار اور بکثرت پڑتی ہو۔ انتخاب کر چکنے کے بعد آپ خواہ واٹس ایپ پر ہوں یا فیس بک پر، ویڈیو دیکھ رہے ہوں یا اوڈیو سن رہے ہوں،دیوار چمن پر ہوں یا زنداں میں، مقتل میں ہوں یا گلزار میں،بخاریٰ میں ہوں یا سمرقند میں،کشمیر میں ہوں یا کنیا کماری میں،کراچی میں ہوں یا پشاور میں، ہر سفر میں آپ کا ہم سفر:"‌‌ایئر ٹیل" کے قبیل سے: ہر مقام و مکان میں آپ کا ہم سفر ‌‌"‌‌ٹول بوکس" ہوجاتا ہے۔ راہِ سرفنگ میں اگر ٹول بوکس کی معیت حاصل ہوجائے تو پھر سب لغات اور سارے ٹرانسلیٹرز اطلاقئے بایں معنی مسترد ہوجاتے ہیں کہ اب آپکو مستقلا اور باھتمام موبائل کے ایپلیکیشنز مینو میں جاکر مطلوبہ ایپ اولا ڈھونڈھنے ثانیا کھولنے کی ضرورت نہیں رہتی،نہیں نہیں مردانِ ہوش، ٹول بوکس ہے ناں بوس، بس ٹول بوکس کھڑکھڑائیے اور مطلوبہ ایپ: اون د اسپاٹ نظر کے سامنے پائیے۔ مثال کے طور سے آپ کسی کتاب کا مطالعہ فرما رہے ہیں، اثناء مطالعہ کسی لفظ کی تعلق سے لغت و ڈکشنری دیکھنی ناگزیر و لابدی ہوگئی تو لغت دیکھنے کیلئے باقاعدہ کتاب سے باہر نکل کر پھر ایپلیکیشنز مینو میں جاکر ڈھیر ساری ایپلیکیشنز میں مطلوبہ "قاموسی اطلاقیہ"کھولنے کی ضرورت نہیں ہے، بس جہاں ہیں وہیں ٹول بوکس کے آئیکون کو پریس کیجئے، قاموسی اطلاقیہ فورا سامنے، لفظ دیکھا، معا بعد کتاب پر واپس، مطالعہ پھر شروع۔ یوں آپ بہت سا وقت (جوکہ سونے سے زیادہ قیمتی ہوتا ہے، اثمن من الذھب) بچا لے جائیں گے۔ ہاں یہ امر ضرور لازمی ہے کہ جن ایپلیکیشنز کو آپ کے نزدیک ترجیحی بنیادوں پر تقدم حاصل ہے انکو منتخب کرنے اور ان پہ ٹک ✅ لگانے کا مرحلہ شوق آپ کو خود طے کرنا ہوگا، اس میں راہی حجازی آپکی کوئی مدد نہیں کرسکے گا۔ ایک بار منتخب کرنے کے بعد تغیر و تبدل کرنا چاہیں تو ایپلیکیشن اسکی بھی اجازت دیتی ہے

نوٹ: دو اسکرین شاٹ منسلک تحریر کئے جارہے ہیں۔ ایپلیکیشن کا پلے اسٹوری ڈاؤنلوڈ لنک : https://l.facebook.com/l.php?u=https%3A%2F%2Fplay.google.com%2Fstore%2Fapps%2Fdetails%3Fid%3Dcom.toolbox.shortcuts&h=oAQEhDS39

Like

مکمل تحریر >>>

ایسا ضدی ہے پرندہ کہ اڑا بھی نہ سکوں ✒ راہی حجازی

ایسا ضدی ہے پرندہ کہ اڑا بھی نہ سکوں

✒ راہی حجازی

موبائل استعمال کرنے والے یہ بھلی بھانتی جانتے ہونگے کہ دروان استعمال موبائل میں کچرا جمع ہوتا رہتا ہے جس پر وقتا فوقتا جھاڑو مارنا پڑتا ہے اور آپ کیشڈ ڈیٹا کو ڈیلیٹ کرتے رہتے بھی ہونگے۔ بعض موبائلوں میں کچرے ہی کے تعلق سے ایک اور فائل بنام: تھمب نیل thumbnail ڈیرا ڈال لیتی ہے، فون میموری کی اچھی خاصی مقدار یہ جناب تھمب نیل باپ کا مال سمجھ کر پی جاتا ہے۔ دیکھئے اسکرین شاٹ ایک۔ آپ کہیں گے کہ اس میں پریشان ہونے کی ضرورت ہی کیا ہے؟ ڈیلیٹ مارئیے ناں سیدھا اسکو ! جی مکرمی ڈیلیٹ تو ماردیں مگر یہ ایسا ضدی، ڈھیٹ، ہٹیلا اور اڑیل ہے کہ ڈیلیٹ مارنے کے کچھ وقت بعد ہی پھر اپنی پوری آب و تاب اور قاتلانہ ادا کے ساتھ آ دھمکتا ہے ۔ بندہ ڈیلیٹ مارتے مارتے تھک جاتا ہے مگر یہ آب حیات نوش واپس آنے سے نہیں تھکتا، حتی کہ مقامات ِمسخ و ڈیلیٹنگ میں ایک مقام یہ بھی آتا ہے کہ بندہ یہ سوچنے لگتا ہے کہ محاورہ: جبل گردد جبلت نگردد کو تبدیل کرکے جبل گردد تھمب نیل نگردد کردیا جانا چاہئے۔ خود کلامی کے سے انداز میں گویا ہوتا ہے کہ زمیں ٹل جائے مگر یہ نہ ٹلے۔اجنبی خواہشیں سینے میں دبا بھی نہ سکوں،ایسے ضدی ہیں پرندے کہ اڑا بھی نہ سکوں۔۔۔۔۔۔ اسکرین شاٹ ایک کی مدد لیتے ہوئے آپ بھی اپنے موبائل کی سیٹنگ (موبائل سیٹنگ، پھر اسٹوریج، پھر مسلینئس فائلز Miscellaneous files) میں ایک نظر ڈال لیں کہ موصوف آپکی ڈیوائس میں تشریف فرما ہیں یا نہیں؟ خوشا نصیبی سے اگر نہ ہوں تو پھر شکر کا دوگانہ بنتا ہے جی۔😉 اور سیہ بختی سے اگر ہوں تو پھر یہ پوسٹ آپ کیلئے ہے کہ اس میں موصوف کا حل بیان کیا گیا ہے، حل معمولی سا ہے۔ وہ یہ کہ چونکہ یہ ضدی پرندہ ہے اڑانے سے بھی نہیں اڑے گا، اس لئے اسکی جگہ اپنا پرندہ سرکاری ملازم کی طرح بٹھا دینا ہے اور بس، اصطلاحی زبان میں ریپلیس کردینا ہے۔ ریپلیس کردینے کے بعد موصوف کی حالت اگر آپ دیکھنا چاہیں تو اس کیلئے اسکرین شاٹ دو ملاحظہ فرماکر پستی کا حد سے گذرنا دیکھیں۔تھمب نیل کی یہ حالت زار دیکھ کر ہر بُنِ مو سے، روئیں روئیں سے، انگ انگ سے جو خوشی پھوٹی پڑتی ہے اسکو لفظوں کی گرفت میں نہیں لایا جاسکتا۔ ریپلیس کرنے کا یہ طریقہ روٹ شدہ موبائل اور غیر روٹ شدہ موبائل کے باب میں جزوی اور معمولی سا فرق رکھتا ہے۔ آپ اپنے موبائل کے کرنٹ اسٹیٹس کے اعتبار سے ذیل میں بیان کئے جانے والے عمل اور پروسیجر کو انجام دے لیں۔
ــــــــــــــــــــــــــــــــــــــــــــــــــــــــ

غیر روٹ شدہ موبائل کیلئے 👇

❶ سب سے پہلے ESFileExplorer کھولیں۔۔۔ ڈاؤنلوڈ اگر نہ کررکھا ہو تو پلے اسٹوری ڈاؤنلوڈ لنک 👇

https://play.google.com/store/apps/details…

❷ ڈاؤنلوڈ کرنے کے بعد اب ESFileExplorer کھولیں اور فون کی میموری میں پہنچ کر DCIM کا فولڈر تلاش کریں

❸ اس DCIM کے فولڈر میں یہ تھمب نیل کا فولڈر ملے گا، اسے ڈیلیٹ کردیں

❹ ڈیلیٹ کرنے کے بعد اسی DCIM کے فولڈر نیچے بائیں جانب نظر آنے والے NEW کے اوپشن کو پریس کرتے ہوئے ایک فائل بنام:

.thumbnails

ترتیب دیں۔۔۔ واضح رہے فائل ترتیب دینی ہے فولڈر نہیں

بس کام ختم۔ ایپلیکیشن سے باہر آجائیں۔اسکرین شاٹس کی مدد سے اگر اس عمل کو سمجھنا چاہیں تو اس کیلئے ذیل کے لنک کو کلکلائیے:

[Delete thumbnails folder: For non rooted phone users.] is good,have a look at it! http://www.teckday.com/p/delete-thumbnails-folder-for-non-r…

ــــــــــــــــــــــــــــــــــــــــــــــــــــــــ
روٹ شدہ شدہ موبائل کیلئے 👇

❶ روٹ براؤزر کھولیں، اگر ڈاؤنلوڈ نہ کررکھا ہو تو پلے اسٹوری ڈاؤنلوڈ لنک 👇

https://play.google.com/store/apps/details…

❷ روٹ براؤزر کھولنے کے بعد اسٹوریج میں جائیں
❸ فون کی میموری میں جاتے ہوئے آپ بھی DCIM کا فولڈر تلاش کریں

❹ مل جائے تو اس میں موجود .thumbnails کا فولڈر ڈیلیٹ کردیں۔ پھر اسی فولڈ میں new کے بٹن کو پریس کرتے ہوئے ایک نئی فائل بنام

.thumbnails

ترتیب دیں(آئی رپیٹ: فائل، نہ کہ فولڈ ) بس کام ختم۔ایپلیکیشن سے باہر آجائیں۔ اسکرین شاٹس کی مدد سے اگر آپ بھی اس عمل کو سمجھنا چاہیں تو اس کیلئے ذیل کے لنک کو کلکلائیے:

[Delete thumbnails folder permanently: For Rooted phone users.] is good,have a look at it! http://www.teckday.com/p/delete-thumbnails-folder-permanent…

Like

مکمل تحریر >>>

گولڈن ڈکشنری - GoldenDict Free ✒ راہی حجازی

ایسا کہاں سے لاؤں کہ تجھ سا کہوں جسے؟

مفتیان کرام اور علمائے عظام متوجے ہوں

✒ راہی حجازی

مکتبہ جبریل استعمال کرنے والے اس مکتبے کی افادیت اور ہمہ گیری سے واقف ہی ہونگے، بڑے خاصے کا مکتبہ ہے یہ۔کمپیوٹر پر تو اسکے استعمال میں کوئی مسئلہ نہیں کہ کمپیوٹر بڑے تن و توش کی ڈیوائس ہوتا ہے، لیکن موبائل پر اس مکتبے کے استعمال میں جزوی مسائل ہیں کہ اسکو تقریبا بارہ جی بی چاہئے ہوتی ہے جن میں چار جی بی لازما یہ فون میموری کی استعمال کرے گا۔ بڑے موبائل تو اسکا لوڈ اٹھا سکتے ہیں، ناز و غمزہ برداشت کرسکتے ہیں مگر چھوٹے موبائلوں کے تو پھیپھڑے ہی بول جاتے ہیں اور آنتیں آیت الکرسی پڑھنے لگتی ہیں۔ اس پریشانی کے حل کیلئے مکتبہ جبریل والوں سے رابطہ کیا،ان سے پوچھا کہ کیا یہ ممکن ہے کہ صرف اردو فتاوی کی فہرست کی بی جی ایل فائل بن جائے اور اس فہرست کی فائل کو موبائل پر چلا لیا جائے؟؟! ظاہر ہے صرف فہرست کی فائل ہونے کی وجہ سے حجم کافی کم ہوجائے گا۔اس فہرست کی مدد سے مسئلہ اتنا تلاش کرلیا جائے گا کہ وہ کس کتاب میں ہے اور کیا نمبر اسکی جلد اور صفحے کا ہے۔ پھر جسکو وہ مسئلہ دیکھنا ہوگا وہ کاغذی کتاب میں دیکھ لے گا یا کتاب بصیغہ پی ڈی ایف موبائل میں ہوگی تو اس میں دیکھ لے گا۔ فرمانے لگے ہاں ممکن ہے، اور تھوڑی دیر بعد فہرستِ فتاوی کی بی جی ایل فائل جوکہ صرف پانچ ایم بی پر مشتمل تھی ارسال کردی۔ ڈاؤنلوڈ کرکے جو گولڈن ڈکشنری میں فائل چلائی تو نتیجہ حسب منشا آیا۔ آپ بھی درج ذیل عمل اور پروسیجر کو انجام دیکر چیک کرسکتے ہیں۔

❶ سب سے پہلے گولڈن ڈکشنری انسٹال کرنی ہوگی۔ لنک 👇

https://play.google.com/store/apps/details…

❷ انسٹال ہوجانے کے بعد گولڈن ڈکشنری ایپ کو ایک بار اوپن کریں اور کلوز کو پریس کرتے ہوئے باہر آجائیں

❸ فہرستِ فتاوی کی یہ فائل ڈاؤنلوڈ کریں۔

(جن حضرات کے موبائل میں گولڈن ڈکشنری پہلے سے انسٹال ہے انکا عمل اور پروسیجر یہیں: شق نمبر ❸ سے شروع ہوگا ) فہرست فتاوی فائل کا لنک 👇

https://onedrive.live.com/redir…

❹ فہرست فتاوی کی فائل ڈاؤنلوڈ ہوجانے کے بعد اس فائل کو گولڈن ڈکٹ (GoldenDict) نامی فولڈر میں موو کردیں۔۔۔ گولڈن ڈکٹ GoldenDict فولڈر فون میموری میں ملے گا

❺ موو کرنے کے بعد گولڈن ڈکشنری ایپ کو پھر کھولیں، اور نیچے بائیں طرف نظر آنے والے پروسیڈ proceed کو تھپتھپائیں اور جب تک ڈن done لکھا ہوا نہ آجائے تب تک انتظار کریں

❻ ڈن done آجانے کے بعد اب اردو کیبورڈ سے مسئلہ لکھیئے اور سرچ کیجئے

GoldenDict Free

GET IT ON GOOGLE PLAY

مکمل تحریر >>>